बुकमार्कलेट्सः एक क्लिक - काम फत्ते!

कधी कधी इंटरनेटवर अगदी छोट्या गोष्टी म्हणजे - पहात असलेल्या साईटची पी.डी.एफ. बनवने, लिंक ट्विटर वर पाठवने किंवा तुम्हाला आवडलेली ती वेबसाईट/ ब्लॉग मित्राला पाठ्वणे यासाठी बरीच मशागत करावी लागते. मात्र या सार्‍या आणि आणखी काही उपयुक्त गोष्टी जर एका क्लिक मध्ये करता आल्या तर? सोप्प आणि काम फत्ते ना?

फायरफॉक्ससाठी: हिरव्या बॉर्डर च्या बॉक्स वर क्लिक करुन [धरुन ठेवा] ते वरच्या बुकमार्कबारवर आणुन सोडा! किंवा हिरव्या बॉर्डर च्या बॉक्सवर राईट क्लिक करुन - "बुकमार्क धिस लिंक" सिलेक्ट करा. आलेल्या बॉक्स मधुन "Folder = Bookmarks Toolbar" सिलेक्ट करा आणि सेव करा!

आय.ई.: हिरव्या बॉर्डर च्या बॉक्सवर राईट क्लिक करुन - "अ‍ॅड टु फेवरीट" सिलेक्ट करा. जरी अनसेफ आहे असा मेसेज दिला तरी ठिक आहे म्हणा!

बुकमार्कः ब्राउजरमध्ये, अ‍ॅड्रेसबारच्या खाली [या जागेला बुकमार्क'बार म्हणतात] एखाद्या वेबसाईट/ ब्लॉगची लिंक जोडुन ठेवणे. [बुकमार्कींग]

बुकमार्कलेटः ब्राउजरमध्ये, बुकमार्क'बार वर 'जावास्क्रिप्ट' किंवा ब्राउजर मध्ये चालणारी स्क्रिप्ट वापरुन एखादं काम [ई-मेल/ प्रिंट/ ट्विट इ.] एका क्लिक मध्ये करुन देणार्‍या छोट्या कमांड्स.

अजुन आहे, पुढे वाचण्यासाठी यावर क्लिक करा...

भारतीय प्रजासत्ताक दिनाच्या शुभेच्छा!

मुळ ग्राफिक्स - साभार - सुलेखाब्लॉग्ज

ये सायबा....

पुण्यात [आणि काल मुंबईलाही पाहिलं!] चालताना - गाडी चालवताना - जरा आसपास नजर हिरवा. आपणांस "सायबांचे" अभिनंदन किंवा स्वतःचे "शुभेच्छा" करणारे/ देणारे छोट्यापासुन बोर्डपासुन अगदी मोठ्या होर्डींग दिसतील. सगळयांची चुरस हीच की आमचा/ माझा बोर्ड सगळ्यात मोठा कसा दिसेल! मग अक्कल पायतळी तुडवत बोर्डावर बोर्ड चढवायचे. सगळीचकडे बॅनर्स/ होर्डींग लावायची जणु होडच लागली आहे.

हे सारं पाहुन मनात प्रश्नांच काहुर उभारतं:

1. ह्या बोर्ड लावणार्‍यांना असं वाटत असेल का - की आपण आपल्या सायबाचा बोर्ड जेवढा मोठा लाऊ, तेवढा आपल्याला लोक सायबाचा डावा-उजवा हात समजतील? 'उजवा' समजणारच नाहीत कारण तो आधीच कुणीतरी जवळचा किंवा घरातलाच असतो! डाव्याची कामं माहित असुनही यांना 'डावा' व्हायला काय-काय करावं लागतं?
2. भलेही अंगठा छाप असला तरी फोटो मात्र रेबॅन ग्लास मध्ये - फ्रेंच कट ठेऊन का असतो?
3. वरती ब्लेझर चढवलेला असतो, मात्र खाली पायात स्पोर्टस् शुज का असतात?
4. गल्ली किंवा मतदार संघ/ वार्ड सोडला तर यांना कुणी ** ओळखत नसलं तरी फोटो मात्र अगदी विक्टरी V - ची पोज मध्ये का असतो?
5. शहिदांना श्रध्दांजली असं लिहिलेल्या बोर्डवर यांचेच फोटो शहिदांपेक्षा मोठे होते. म्हणजे हे सायबा किंवा त्यांचे ते कार्यकर्ते शहिदांच्या श्रेणीचे किंवा त्यांच्याही पेक्षा मोठे आहेत का?
6. हे कार्यकर्ते किंवा त्यांचे 'सायबा' कितीही म्हातारे झाले तरी या बोर्डावर फोटो हे जवानीतलेच का लावतात? संदेश देताहेत की लग्नाची उमेदवारी जाहिर करताहेत?
7. काही बोर्डांवर तर अक्षरशः काळे - सावळे - गोरे अशा तीन रंगात यांचे फोटो होते. ही त्या फेअर अन् लवली ची जाहिरात नव्हती?

अजुन आहे, पुढे वाचण्यासाठी यावर क्लिक करा...

आपण आलात, आम्ही आपले आभारी आहोत!

गेल्या काही दिवसांपासुन महाजालावरती चर्चिला जाणारा "मराठी ब्लॉगर्स मेळावा" आज पार पडला. मी जास्त काही लिहित नाही, कारण यावर आधीच - प्रभास, पेठे काका, अनिकेत, पंकज, हरेकृष्णाजी आणि काही मान्यवरांनी, ट्विटर वरुन लिहिले आहे. मला फक्त आपणा सर्वांचे आभार मानायचे आहेत :)

आजचा हा मेळावा सफल करण्यासाठी आपण दिलेले योगदान, आयोजक, सहकारी, आलेले - न आलेले ब्लॉगर्स, वाचक, पत्रकार यांचे मनःपुर्वक आभार आणि अभिनंदन!

संक्रांतीच्या हार्दीक शुभेच्छा..

तुम्हाला माहितंयः [साभार - सुहास]

• १४ जानेवारी १७६१ ला याच दिवशी पानिपतच्या मैदानात मराठे अणि गिलिचे यांचे युद्ध झाले....
• यात देशासाठी आहुति देणारे ४५,००० मराठा वीर होते ...
• त्या एकाच दिवशी संपूर्ण महाराष्ट्राला वैधव्य आले...
• महाराष्ट्रातील स्त्रियांच्या त्या दिवशी १,५०,००० बांगड्या फुटल्या...
• मराठा वीर ५ दिवस उपाशी राहून लढला अणि लढता लढता वीरगतिस प्राप्त झाला ...
• त्यादिवशी पानीपत च्या मैदानात सदाशिव भाऊ पेशवे, जनकोजी शिंदे, विश्वासराव पेशवे, सूर्याजी पवार असे असंख्य मराठे त्यादिवशी अमरात्वाला प्राप्त झाले...

आज त्या अमरवीरांची आठवण करुन त्यांना आदरांजली वाहतो!

कोणावरही अशी संक्रांत येऊ नये ह्याच शुभेच्छा ....
आणि गोड-गोड = शूभ-शूभ बोला हाच संदेश!

बाकी काही मस्त मिठाई व हलवा अनुक्षरे व महेंद्रजी यांच्या ब्लॉगवर चाखायला हरकत नाही!

..... आणि काही गोड - हलवा आणि तिळाचे लाडु, आमच्या कडुन ही - गोड - गोड बोलण्यासाठी!

पोटोबा - मराठी पाककृतींचं ई-बुक!

नमस्कार!
मायाजालावर असणार्‍या अनेक सुविधांपैकी एक म्हणजे "खादाडी"! हो, बर्‍याचदा तुम्ही आम्ही या मायाजालावरती पटापट बनवता येणार्‍या किंवा घरच्याघरी बनवता येणार्‍या काही पाकक्रिया शोधत असतो. बायकोसाठी काहीतरी नविन मेनु शोधणं माझ्या इतर कामांपैकी एक. आता मायाजालावर या सगळ्या पाकक्रिया शोधणे आणि त्या एकत्र करणं तसं अवघड नसलं तरी कंटाळवाणं नक्कीच वाटतं. शोध-शोध शोधायचं आणि नेमकं हवं त्यावेळी ते सापडत नाही, मग मनाचा आणि खाण्याचा मेनुच बदलतो! तेंव्हा म्हटलं - मायाजालावर आपल्या पाकक्रिया लिहिणार्‍या "खवैय्यांच्या" परवानगीने आपण एक छोटसं "ई-बुक" तयार करावं आणि त्याच संकल्पनेचं हे एक रुप!

पोटोबा - १: चाळीस पाककृतीं साधं - सोपं पुस्तक!
डाऊनलोड करण्यासाठी समोरच्या पुस्तकावर क्लिक करा!
"पोटोबा"चं पहिलं "ई-बुक" भाग्यश्रीच्या मदतीशिवाय शक्य नव्हते.
चला तर मग - खादाडी सुरु करुया!

डाऊनलोड्स: